Það sjá allir í gegnum þetta

Var í hressandi hádegismat heima hjá foreldrum mínum.

Farið var yfir ríkisstjórnina - sem er ekki að gera neitt að viti, ekki að koma neinum mikilvægum málum í gegn og það sjá allir í gegnum þetta.
Farið var í skuldirnar - lífeyrissjóðirnir búnir að tapa milljörðum, krónan verðlaus og ræddar voru hugmyndir um að selja gull og skartgripi. Sú hugmynd felld þar sem krónan er jú verðlaus.

Farið var yfir skattahugmyndir VG. Eignaskattshugmyndir - bitna verst á kynslóð ma og pa -sem tóku ekki þátt í ruglinu en voru dugleg að safna sér í sjóði og borga niður skuldir. Nú á að refsa þeim fyrir kaupæði unga fólksins. Ekki sanngjarnt.

Farið var yfir stjórnmálamenn. Margir hverjir algjörlega vanhæfir og vitlausir. Það er bara þannig og það vita það allir sem fylgjast eitthvað með Alþingi. Það er ekki hægt að treysta neinum. Sama í hvaða flokki.

Farið var yfir niðurskurðarhugmyndir. Ömmi að lúffa fyrir liðinu á Selfossi en loka á skurðstofu í Eyjum. Arfavitlaus hugmynd og algjörlega út í hött og dæmigerð fyrir Ögmund sem þorir ekki í læknamafíuna (ekki orðrétt haft eftir neinum en fólk almennt sammála um að þetta væri hið versta mál fyrir Eyjakonur og menn).

Farið var yfir dagskrá Alþingis. Besti hlutinn er í upphafi þegar óundirbúnu fyrirspurnirnar eru. Einmitt - verst að missa af því.

Farið var nokkuð lauslega í uppeldis og agamál á heimili einkadóttur. Fólk almennt sammála um að börn væru nokkuð vel upp alin en það yrði að setja mörk og leyfa ekki yngsta barni að stjórna heimili, matmálstímum, svefnvenjum, sjónvarpsdagskrá og baðferðum fjölskyldunnar.

Hressandi indeed.

Ef við bara gætum fengið svona snilling til að taka þátt í stjórnmálum hér



Takið eftir tilvísun í Idol.. Jamm það er ekki galið að líkja stjórnmálum við Idol (nema hann er að tala um Simon en SAMT!).
Margt sem hann er að tala um á algjörlega við hér. Ábyrgð til dæmis...

Alltaf hressandi

Þegar ég fer upp í rúm að lesa fyrir Bjarka segir hann undantekningarlaust: Mamma sitja hérna - Mamma - með RiiiiiiiiiiSA stóran RASS.

Ég veit ekki. Þetta er krúttlegt.

Afmælisdagurinn

byrjar vel. Pakkar í rúmið og óendanlega mikið af knúsi og kossum frá strákunum mínum.
Nú ætla ég að ná mér í næstu afmælisgjöfina... Nýjasti GG þátturinn BARA FYRIR MIG.

Dekurrófa afmælisbarn over and out.

Bíddu, áttu svona fáa vini?

Facebook... sumir (ég) eiga bara ekki svo marga vini. Ég er fyrir löngu búin að viðurkenna það og er svo sem ekkert að gráta það að eiga ekki 900+ vini. Ég tek ekki þátt í félagslífi, stjórnmálum eða íþróttum. Ég er gift tveggja barna móðir í 100% námi (og meira að segja að skrifa ritgerð = mannleg samskipti í sögulegu lágmarki). Auðvitað gæti ég átt fleiri vini.. held ég. Efast um að fólk ignori mig. Sérstaklega ekki fólk sem á 600 vini. Þá yrði ég auðvitað sár.

En þó ég eigi fáa vini á facebook þá tel ég mig eiga marga góða vini í raunveruleikanum. Ég hugga mig við það þegar ég er næstum dáin úr minnimáttakennd og skömm yfir vinafátæktinni á feisinu. Gummi á til dæmis fáránlega marga vini og var strax á öðrum degi á feisinu komin með 200+ vini. Hann hefur auðvitað stjórnmála og félagslíf-þátttökuna með sér. Og jú jú hann er alltaf glaður og hress.

Facebook hefur marga kosti og mjög marga galla. Mér finnst verulega óþægilegt þegar af mér birtast óritskoðaðar myndir en mér finnst frábært að geta verið í nokkið góðu sambandi við vinkonur mínar í útlöndum og gamla vini úr Eyjum, Való og MR. Veit ekki hvort ég sé að fíla að vita allt um alla. Samt.. ég er svoldið þannig að ég vil vera í góðu sambandi við þá sem eru í kringum mig og mér er annt um. Ég vil vita hvenær börn vinkvenna minnar eru lasin og þegar þær sjálfar eru með kvef. Mér finnst voða gaman að vita ef þær skemmtu sér vel eitthvert kvöldið, fóru í bíó eða uppgötvuðu nýja tónlistardívu. Eins finnst mér mjög gott að vita þegar vinir og kunningjar okkar GFS fara norður eða til útlanda. Það er líka æði þegar hægt er að hvetja fólk áfram í rækt eða námi.

Á móti kemur þarf ekki mikið spjalla. Maður veit næstum allt um alla og lítið við að bæta. Einnig finnst mér tölvupóstum hafa fækkað. Færri saumaklúbbar og hittingar. Það er ekki gott! Ég vil alls ekki að við breytumst í einhvers konar Wall-E samfélag. Ég er samt svoldið svona wallE. Tala við fólk á msn, feisbúkkast og sendi sms. Stundum líða dagar á milli þess sem ég hef mannleg samskipti við aðra en boys heima. Það er SICK sko.. alveg kreisí.

Þannig að... ég er glöð með ýmislegt en ekki annað. Sem betur fer er saumó á fimmt. Einnig á ég bókað lunch date. Like it a lot.

Over and out.