Veit ekki alveg hvað málið er en So You Think You can Dance gerir eitthvað spes fyrir mig. Mér finnst æði að horfa á dansarana og dómarana en þoli reyndar ekki lætin í Mary Murphy. Glöð er ég að sjá að lesendur og vinir eru sammála mér. Katee og Joshua eru langflottust - æði bara!

Reyndar höfum við hjónin dottið inn í Beauty and the og Biggest Loser einstaka föstudagskvöld og þeir geta verið svoldið skemmtó. Þar hefur þó BLoser vinninginn og fátt skemmtilegra en að borða nammi og horfa á fitubollurnar bæta líf sitt. Maður fær kjark og kraft og samviskubit yfir namminu of course... en fíla þá alveg í tætlur. Elska að sjá í lokin hvernig fólkinu hefur svo gengið í Real life. Þarna er verið að bjarga mannslífum.

Beauty and the er bara bull þáttur en ágætur svona einstaka sinnum. Jebbs.

Er omvendt orð?

Hefur einhver heyrt þetta orð? ef þetta er til þá þýðir þetta eitthvað svona alveg öfugt eða eitthvað þannig.

Hef grenjað úr hlátri yfir þessu orð. Please - veit einhver - er þetta orð til? Er þetta algengt slangur í íslensku? Er ég að missa af einhverju???

Eitt líf

Hef verið að hugsa um það undanfarið hversu mikilvægt það er að njóta lífsins. Við eigum bara eitt líf. Ég vil vera betri en ég er á mörgum sviðum en ég vil líka læra að vera sátt við sjálfa mig. Lífið er ótrúlega magnað og hver dagur er gjöf. Stundum er gott að staldra aðeins við og hugsa um það hver tilgangur lífsins er.

Þetta hljómar ef til vill voða hátíðlega en ég meina þetta svo innilega. Mér finnst gaman að vera til og ég vil hafa gaman að lífinu. Ef þetta er okkar eina líf - sem ég held að sé - finnst mér það þess virði að hugsa um lífið, hugsa um sjálfa mig og gefa mér tíma fyrir mig. Þetta er eitthvað sem nútímafólk gerir ekki mikið af. Reyndar hugsa allir mjög mikið um sjálfa sig og sína og það er allt í lagi en fáir hugsa um hver raunverulegur tilgangur er í lífinu og hvað það er sem fólk vill fá út úr lífinu. Er það að vera hamingjusöm, rík af peningum, rík af ástvinum, hafa pólitísk völd, hafa áhrif, bæta heiminn, vera fræg, hjálpa fólki, eiga marga vini, ferðast um heiminn, ná árangri í starfi??? Ef til vill allt ofantalið.... Við viljum allan heiminn og tunglið með.

Í dag vil ég lesa smá í Karítas án titils og sækja strákana mína með bros á vör.

Þetta þarf ekki að vera flókið ;-)

Annar dagur...

Við Bjarki Freyr fylgdum KS í skólann í dag. Þegar KS var kominn í röð og krakkarnir fóru í halarófu á eftir kennaranum fór BF að hágráta - grét svo sárt og innilega að ég átti í mestu vandræðum með að hugga hann. Reyndi að hughreysta hann með þeim orðum að hann fengi líka að fara í skólann... eftir fjögur ár!!! En hann hresstist eftir smá rúnt niður á höfn og sem betur fer eru miklar framkvæmdir við leikskólann sem þýðir - fyrir utan læti og ryk - GRÖFUR!

Kjartan Sveinn var svoldið þreyttur í gær og þegar hann var kominn upp lagðist hann í gólfið og sagði að þetta skóladæmi væri aðeins meira mál en hann hélt...

En hann var rosalega glaður þegar hann frétti að það væru smíðar í fyrsta tíma og stórkostleg plön um smíðar á kofa með pabba sínum strax farnar að myndast í litla sæta hausnum.

Nú er bara að vona að hann muni reglurnar þrjár: Hlusta, hlýða og vera kurteis.

Fyrsti skóladagurinn!

Anton Haukur frændi er í algjöru uppáhaldi hjá fjölskyldunni og strákunum. Hann er líka óendanlega sætur!!!

Taugatrekkjandi dagur og sigrar á öllum vígvöllum

Fyrst henti ég Bjarka greyinu hálfpartinn í fangið á deildarstjóranum og hann hafði ekki tíma til að mótmæla. Hann var skilinn eftir í fyrsta skiptið - svona almennilega - og stóð sig eins og hetja. Við þutum svo af stað í skólann hans KS þar sem við hittum kennarann hans. Egóið er mikið hjá sex ára leikskólastúdent og eftir að hafa svarað spurningum um nafn foreldra, hvar einhverjir líkamspartar væru og um litina varð KS mjög hissa og smá hneykslaður og sagðist nú kunna MIKLU meira en þetta. Svo vildi hann ræða um Hitler og seinni heimsstyrjöldina og við Gummi vorum bara sveitt á hliðarlínunni - JESÚS minn hehe. En hún tók þessu voða vel og skólastráknum leist vel á allt saman.
Hann er líka kominn með pláss í dægradvöl og þar er víst ekk sjálfgefið og við því mjög hress með gang mála.

Síðast en ekki síst sátum við mæðginin saman og fylgdumst með stórsigri íslenska landsliðsins og úuuðum og aaaa-uðum og ég fékk gæsahúð og grét nokkrum gleðitárum í lokin. Syni mínum leist ekkert á og reyndi hvað hann gat að hugga mömmu sína. Við vöknum HRESS á sunnudaginn. Þetta er náttúrlega ekkert eðlilega skemmtilegt!!!

Knús til Kína!

Ég var vakin í morgun við að maðurinn minn var að fara yfir um að spenningi. Talaði sífellt um að hann væri að fá hjartaáfall og ég veit ekki hvað og hvað. En allt endaði vel og ég fékk að sjá síðustu mín. og fagna. Svo bíð ég alltaf spennt eftir viðtölunum í lokin...

Við Gummi vorum að tala um þann góða anda sem er í liðinu - eða manni sýnist allavega vera. Við erum sannfærð um að Sverre hafi mikið um það að segja enda er hann þekktur fyrir að peppa lið upp og hrósa - ekki skamma og hrauna yfir þá sem ekki standa sig. Þegar maður heyrir svo í þeim tala.. jeminn yndislegt að heyra hvað þeir eru heimspekilegir og ákveðnir í sigurtaktíkinni. Væri ekki upplagt að senda þá inn á borgarstjórnarfund í REy - peppa liðið þar svoldið upp. Koma með sigurandann inn á fleiri staði í þjóðfélaginu. Ekkert Bíiiiibbbb bara SIGUR!

Veit ekki hvort ég hafi taugar í leikinn á fös. En allavega ÁFRAM ÍSLAND!

Innipúkinn minn

byrjar í skólanum eftir helgi. Mamman er að fá nett taugaáfall við tilhugsunina um að hann eigi að geta eitthvað bjargað sér sjálfur... Litli snúlli dúlli hennar mömmu sinnar.. hehe. En hann er gríðarlega spenntur og alveg tilbúinn að eigin sögn.

Eftir að við komum heim frá Eyjum var hann smá stíflaður í nebbanum. Ég spurði hann hvað væri eiginlega málið. Hann hugsaði um það og sagði svo: Kannski er ég svona stíflaður úf af öllu þessu útistandi í sumarbústaðnum um helgina. Andvarpaði svo - alveg þreyttur á þessu útistandi!

Barnið var nú ekkert sérlega mikið úti. Honum finnst reyndar gaman að vera úti þegar út er komið og ég veit að frímínúturnar eiga eftir að slá í gegn. Mömmuhjartað springur við tilhugsunina. Má hann í alvöru ekki var inni þegar það er vont veður???? ;-)

Alltaf gott að koma til Eyja :-)

Get alveg sungið með þessu jamm

Gabriella Cilmi: Sweet about me

Flýjum!

Þegar ég var að hlusta á hádegisfréttirnar og brot af svörum stjórnmálamanna í borginni hugsaði ég um hvað svörin voru kunnugleg. Minntu mig ótrúlega mikið á mig þegar ég er að svara í Frúnni í Hamborg. Ekki já og ekki nei! Heldur svona EKKI-svör.

OG hvað er fokking málið með að flýja niður brunastigann???? Afsakið orðbragðið en þetta lið er alveg klikk og búið að TAPA. Taparar er eina orðið yfir allt þetta. Finna sér nýja vinnu. Flýja til útlanda. Fara í nám... Eitthvað annað en að stjórna borginni please.... (ekki að það sé ekki gaman að fá smá action og drama í fréttirnar en þetta er of langt gengið).

Kveðja,
Hamingjusamur Kópavogsbúi.

Áfram Ísland

Það er snilldin ein að vera heimavinnandi þegar ólympíuleikarnir eru í gangi. Ég gar fylgst með "strákunum okkar" næstum óáreitt og jeminn hvað það var gaman. Maður er auðvitað svoldið spenntari en venjulega þar sem vinur okkar er einn af aðal. Sverre var eins eins og klettur í vörninni! Man hvað maður er stoltur :-)

Eitt sem ég var hugsi yfir og það var gaurinn sem var að lýsa í höllinni.. Snorri Stæn og allt sagt með brútal miklum amrískum hreim. Á tímabili var ég alveg viss um að þetta væri George Bush sem væri komin í nýtt hlutverk.... Hann væri vel geymdur í Kína en anyhús.

Gat ekki einbeitt mér að fimleikunum í morgun en ég vona að ég geti séð eitthvað af þeim seinna. Það er auðvitað það allra skemmtilegast að horfa á - fyrir utan handboltann og sundið og blakið. Hmmmmm. Nei án gríns - mig langaði að sjá dýfingar - ekki sund og ekki blak.

Topp 5 skemmtilegasta að horfa á:
1. Handbolti þegar Ísland er að spila
2. Fimleikar
3. Dýfingar
4. Stangastökk kvenna (útaf bronsinu hennar Völu eru enn taugar)
5. Hlaup og slatti í frjálsum

Eftir frábæran sólarhring í Borgarfirði vorum við öll svoldið mikið þreytt.Ég var líka þreyttari af því að ég fór á djamm á fös sem endaði á Sálinni... sem var klikk gaman en troðið og sveitt og heitt.

Sofnuðum seinna en vanalega í útilegunni og boys voru vaknaðir before the break of dawn.

En allavega - við horfðum á fyndinn þátt á stöð 2 áður en ég datt í rúmið meðvitundarlaus af þreytu. Um miðaldra konur í UK sem röfla um allt og ekkert held hann heiri Grumpy old women. Við horfðum líka á nýjan breskan þátt á stöð 2 sem var alveg fínn. Mæli með sunnudagkvöldum á stöð 2 - nema reyndar Womens Murder Club sem mér finnst ekki skemmtilegur og mér til stuðnings hefur hann verið tekinn af dagskrá í USA. Jammm.

Frasarnir fljúga á ólympíuleikunum og sérstaklega er áhugavert að fylgjast með blessuðu sundfólkinu.

Frasar eins og: ég var ekki að finna mig í lauginni... það var eitthvað sem fór úrskeiðis.... var orðin þreytt undir lokin...

Nú hef ég aldrei æft sund en erum við ekki að tala sekúndur og margra ára undirbúning? Ég get svo sem ekki mikið sagt. Er dauð eftir fjórar ferðir, vil ekki setja höfuðið ofan í vatnið, syndi eins og gömul kjelling og vil alls ekki fá gusur framan í mig. Þetta er pottþétt mun miklu flóknara en maður heldur. Samt magnað að fylgjast með og hlusta á viðtölin.. íþróttasálfræði kjaftæðið og frasarnir um markmiðssetningu eru snilldin ein ;-)

Þjóðhátíð

Það er langt síðan mig hefur langað svona líka rosalega á Þjóðhátíð. En svona er lífið... Er að fara yfir allt þetta helsta í huganum og fæ gæsahúð og svima þegar ég hugsa um brennuna, brekkusönginn og flugeldasýninguna, hvítu tjöldin, tjörnina, ljósin, lætin og allt sem tilheyrir.

Veit að margir skilja þetta ekki - þrítug kona grenjandi heima yfir að komast ekki á Þjóðhátíð!!! Ég ætla að njóta þess að vera heima með strákunum mínum núna en hugsa fallega til Eyja og hlakka til að fara þangað eftir nokkra daga. Þá ekki á Þjóðhátíð en það kemur að því fyrr en seinna. Er að skipuleggja ferð til Eyja 2010. Allir velkomnir með. Ætla með strákana mína alla þrjá og líklegast einhverja pössun líka. Þangað til slekk ég á sjónvarpinu, les ekki fréttir og ekki blöðin en hugsa hlýlega til Dalsins og allra þar.

Buhhhuuuuuuu.

Þetta er alltaf EÐAL...