Er að spá í að horfa á þessa í kvöld.
Ef Rúv-ið virkar hjá mér það er...

Man að mér fannst þessi mynd æði.. 10 ár síðan - ætli smekkurinn hafi breyst? Ég breyst? Myndin breyst?

Punktablogg

* Fridays í Kringlunni er ekki fólki bjóðandi. Vibbaógeð - kalt mat.
* Sushismiðjan í Hamraborg er fólki bjóðandi - nema ekki fátæku fólki. Lokar innan árs?
* Fátæktartal stressar mig. Vil fá jákvæðni, milljónatal og græna öfund aftur.
* Að vera einn er ofmetið. Sakna boys.
* Bókasöfn eru best fyrir börnin - nema að börnin mega ekki tala saman þar. Óréttlátt!
* Dagurinn getur ekki versnað þegar: netið er hægt (ekkert hægt að downloada), afruglarinn ruglar allt og ekkert er til að horfa á.
* Flakkarinn er fullur en kann ekki að tengja (framhald - ÆTLA ekki að gefast upp)
* Þarf að kaupa skó á strákana. 5.000 kall. Vongóð.
* Langar í skó 14.000. Vonlítil.
* Skrítið að vera þreytt en fara ekki að sofa. Klassískt en þreytt.
* Langar að brjóta niður veggi. Of mikil vinna.
* Langar í nýtt parket, nýtt eldhús og bað og brjóta niður vegg. Of dýrt og of mikil vinna.
* Langar að flytja. Ekki séns.
* Kláraði próf áðan. Nice.
* Þarf að vinna í ritgerð á morgun.
* Boys á Ak. Kósý dagur á morgun, ferð í jólahús og dótabúð. (ég kann nefnilega að plata ömmu og afa!)
* Nýja OTH serían rokkar!
* WHY WHY WHY? Skil ekki enn að það sé hætt að framleiða Veronicu Mars.
* Heimildir út um eyrun á mér. Damn. Damn.
* Tina Dickow, Kate Voegele, Feist og Adele og Amy og Dolly.
* Live - jeminn good old.
* Vegamót er snilldarstaður. Besti staðurinn í bænum.
* Fór á Juno í bíó og varð ekki fyrir vonbrigðum.
* Næst er það svo Horton... stemningin er rafmögnuð.

Allir fá frá pabba og mömmu páskaegg

KS syngur og syngur þetta lag. Raunveruleikinn segir okkur annað. Hann fær ekki páskaegg - allavega ekki þetta venjulega. Við höfum haft samband við súkkulaðiframleiðendur síðustu ár og fengið misjöfn svör. Bæði höfum við lent í dónaskap og hroka. Eins og við séum að gera voða ves... af því að barnið er með lífshættulegt ofnæmi!!!! Verð bara REIÐ!


Við erum heppin því við eigum góða, þrjóska og úthaldsgóða vini. Núna er ALLT súkkulaði merkt - gæti innihaldið hnetur - ALLT íslenskt súkkulaði. Ég sagði Þóru frá þessu og stuttu seinna hringdi Tjörvi og niðurstaðan var - ef við getum ekki keypt súkkulaði til þess að búa sjálf til egg þá verðum við (Tjörvi) að búa til súkkulaði til þess að hægt sé að búa til páskaegg. Brjáluð vinna til að gleðja drenginn. Jeminn.
Ofnæmið hjá KS er það alvarlegt (skv. nýjustu mælingum versnar það mjög milli mælinga) að það má ekki líta af honum og ekki séns að taka sénsa með eitthvað mengað súkkulaði.

Við hjónin vonum að þetta breytist og einhver sjái hag sinn í að henda lífshættulega hnetuógeðinu á öskuhaugana og finna annað til að bragðbæta súkkulaði. Eitthvað sem er ekki lífshættulegt fyrir fjölda fólks. Hata HNETUR!!!

Sumir fá frá Tjörva og Þóru PÁSKAEGG :-) Yndislegustu vinir í heiminum!

Metlækkun á krónunni á einum degi!

Tengist þetta nokkuð afmælinu mínu? Fékk mjög fínar gjafir og allt en þetta er nú aðeins of mikil svartsýni...

Kjellingin þrítug...

Hrikalega gaman að vera svona þroskuð, lífsreynd, heil heilsu og fagna heilum 30 árum með fjölskyldunni og vinum.
Búin að fá fallegar og góða gjafir en ég ætla ekki að halda neitt upp á þetta núna. Kannski seinna.

Við hjónum fórum í fínan lunch og ég í dekur í morgun.

En þýðir þetta ekki að ég er komin á fertugsaldur? God damn :-)

Hress

Við hjónin fórum á Sálina í gær og skemmtum okkur rosalega vel... allavega ég. Dansaði og söng og allt þetta helsta. Vorum alveg fremst með heitustu Sálaraðdáendunum auðvitað ;-) Skemmtilegast var að Anna og Styrmir fengu óvænt miða á tónleikana/ballið og voru með okkur góðan hluta og svo fundum við Áslaugu og Gulla og fórum hingað heima og héldum áfram í Sing star til klukkan eitthvað mjög seint - ég þori allavega ekki fram á gang í dag. Kannski þarf ég ekki að hafa neinar áhyggjur af því að söngurinn var svo flottur og kannski vilja nágrannarnir bara vita hvenær tónleikarnir OKKAR verða.

Annars er ég búín að staðfesta eitt sem við Ásta sannreyndum reyndar fyrir nokkrum árum síðan. Maður er nokkuð mikið betri í Sing Star DAGINN EFTIR partýið. Ég er búin að fá Lead singer og alles í morgun og samt var BF að slefa í míkrafóninn. Þeir voru í næturpössun þannig að það var ekkert partýstand með þá sofandi.

Bjarki vildi ekki fara að sofa í gær. Pabbi lét það þá eftir honum að vaka lengur. Hann rauk þá fram á gang og reyndi að klæða sig sjálfur í skóna og tosaði í gallann sinn. Krúttið þolir ekki vel breytingar þó hann sé sæll og glaður að vera hjá afa og ömmu. Hann sofnaði sáttur og vaknaði aðeins 2x og heimtaði alls konar þjónustu. Amman reyndist nokkuð góð í því hlutverki og í staðinn fyrir kalda mjólk úr ísskápnum var hún hituð og heimildir okkar segja að hann hafi verið hæstánægður með hugmyndina. Við vitum þá við hverju við megum búast í kvöld!

Fámáll en nær sínu fram

Bjarki náði í túss hjá bróður sínum og fór hamförum þegar foreldrarnir voru voða busy við eitthvað annað en að fylgjast með börnunum. Þegar Gummi sá að hann var að vanda sig mjög við að krota á krakkastólinn hans KS hastar hann á hann og segir að hann eigi bara að TEIKNA Á BLAÐ og BF hleypur skelkaður fram enda ekki vanur að fá skammir (var samt ekkert rosalegt sko). Bjarki snýr svo til baka skömmustulegur og þá tekur bróðir hans við honum með opnum armi og segir í samsæristón: Var pabbi að skamma þig? Og Bjarki alveg ótrúlega glaður með stuðninginn geltir út úr sér mjög sannfærandi og svoldið bitru já-i.

Þá byrjar fjörið og KS skammar okkur fyrir að skamma hann Bjarka litla saklausa engilinn og segist svo eiga stólinn og hann megi alveg teikna á hann og hana nú! Bætir svo við þessu klassíska að litli sé bara ÓVITI og við eigum að tala varlega og fallega til hans. Einmitt. Einhvern tíma gerðist það að uppeldishlutverkið varð BARA flóknara og ég held ég verði að kenna KS um... eða þakka honum fyrir hjálpina eða ekki-hjálpina. Flókið!!!!

Lærilag dagsins



No Good með Kate Voegele - fíla hana eftir maraþon OTH.. performið í þættinum var mjög flott. En hún er ekki spes leikkona enda er það algjört aukaatriði.

Svo er bara árshátíð og fínerí í kvöld. Spurning um að fara að huga að því - væri samt til í að vera áfram í nýju "heima" buxunum mínum. God hvað maður er oldie eitthvað þegar maður er komin í heimagalla fílinginn. En minn er töff. Og ég er að fara í stórt próf. Og ég er heima í "gallanum" ekki á Þjóðó. Best að nota tímann. Læri lær... Niðurstaða = true score + error. Svo rétt svo rétt.

Hver á að sinna börnunum?

Ég las skemmtilega grein í Vikunni á leiðinni heim frá Köben. Þar var talað um það sem ég hef svoldið verið að velta fyrir mér.
Atvinnuþátttaka kvenna er með því sem mest gerist í OECD löndunum. Við eignumst næstflest börn að meðaltali í Evrópu. Við vinnum sem sagt mikið og eignumst mörg börn. Vinnudagurinn er langur - bæði hjá okkur og börnunum og alls konar eftir-vinnu skuldbindingar sem fólk vill og þarf stundum að taka þátt í. Hvar eru börnin og hver hugsar um þau?

Börnin eru í góðum málum á leikskólum í dag. Ég finn og heyri á vinkonum mínum og fleirum að krakkarnir eru nánast undantekningarlaust ánægð og sátt á leikskólanum. Þegar þau komast á ákveðin aldur þá komast þau á svona PRIME time á leikskólanum og vilja ekki koma heim. Þá minnkar samviskubitið mjög en svo geta komið tímabil þar sem þau eru ekki alveg sátt. til dæmis þegar börnin eru á yngri deild en eru tilbúin að fara yfir á eldri deild og þegar þau eru á síðasta árinu í leikskólanum. Á þessum tímum þarf að hlúa vel að þeim og gefa þeim verkefni við þeirra hæfi.

Mér finnst gott að hafa þetta í huga þegar við erum að bugast úr samviskubiti yfir því að barnið sé OF lengi á leikskólanum og að við séum ekki að sinna þeim nægilega vel. Oft finnst mér vandamálið vera meira ég og meira umhverfið og viðhorfið sem við búum við heldur en nákvæmlega leikskólinn eða aðstæður þar.

Það sem við viljum: Vera í góðu starfi sem reynir á færni okkar og hæfileika. Fá frábær laun. Geta haft tíma til að sinna fjölskyldu, vinum og sjálfum sér. Vera með spennandi áhugamál og njóta lífsins. Geta ferðast eða skoðað nýja hluti og staði. Í raun viljum við að allir draumir rætist. Þá er ég ekki byrjuð að tala um parhús/raðhús/jeppa/sumarbústaða... elementið.

Dæmisaga sem var sögð í Vikunni: Tvær konur eru að sækja börnin sín á leikskóla. Það berst í tal að önnur er heimavinnandi og hin sem var útivinnandi segist dauðöfunda hana og segir að hún vildi óska að hún gæti þetta líka. Þær labba út og þessi heimavinnandi fer í gamlan Skoda en hin stígur upp í glænýjan risajeppa.

En þetta er ekki allt svona hrikalegt eins og oft er talað um. Börnunum líður vel í leikskólanum. Foreldrar eru duglegir að finna það sem gefur þeim gleði og ánægju í starfi. Fólk vinnur mismikið. Við höfum gott sumarfrí og fæðingarorlof, tækifæri til að mennta okkur og lifa góðu lífi. Það vinna ekki allir allan sólarhringinn. Er betra eins og þetta var "í den" þegar karlinn vann frá 8 til 19 og sá varla börnin og konan var heima á meðan og ekki alltaf að gera það sem hana dreymdi um. Mér finnst ómetanlegt að geta verið með börnunum og mér finnst frábært að fara með þá og sækja þá á leikskólann og sjá hvað þeir eru glaðir, bæði glaðir að vera vinum sínum og glaðir að sjá mömmu sína. Gumma finnst þetta allt alveg jafnskemmtilegt og mér.

Niðurstaða: Í dag er meiri áhersla á að vera með fjölskyldunni - gera hluti saman og vera saman. Áður fyrr var þetta ekki svona áberandi. Ég man ekki eftir að foreldrar mínir hafi leikið mikið með mér í Barbie.... en þau gerðu ýmislegt annað sem var mikilvægt. Þau voru til staðar og veittu mér aðhald og gott uppeldi (frábærlega vel heppnuð að þeirra mati hehe).
Í raun er þetta eitthvað sem við þurfum sífellt að velta fyrir okkur og spá í. Verðum að endurmeta og skoða gildi reglulega og síðast en ekki síst finna hvað það er sem skiptir okkur máli í lífinu.

Hmmmm nennti einhver að lesa þetta allt? ;-)

Ferð til Sverige og Ástu

Fleiri myndir

Sjálfsmyndir eru málið í dag

Á skemmtistaðnum

Myndir

Sætar vinkonur

Fyrsti ölinn - ekki lítill!

Með "nokkra" poka

Girls að skvísa sig upp fyrir kvöldið

Anna Kr og ég

Fjórar flippaðar ;-)

Anna og Ace með visinn driver

Komin heim frá Köben

Það var bara snilld í Köben. Get ekki lýst því hvað þetta var endurnærandi og skemmtilegt. Set nú kannski inn nokkrar nethæfar myndir en ég var svoldið dugleg að taka myndir af okkur en þær eru mest svona eitthvað við á kaffihúsi, við á veitingastað, við á kaffihúsi.... you get the picture.

Rosa mikið svona einkahúmorsdæmi sem verður til í svona ferð og það er svoldið erfitt. Til dæmis er Gummi ekki að ná hvað það var hrikalega skemmtilegt að láta hjóla með okkur niður strikið.. og honum finnst ekkert fyndið Stop nu-ið hennar Önnu. En það er allt í lagi :-) Honum fannst ekki heldur fyndið hvað taskan mín var ROSALEGA þung en ég má eiga það að ég get verið dugleg að versla í útlöndum. Geri lítið af því heima þannig að þetta jafnast allt saman út - ekki satt????

Við fórum út að borða eitt kvöldið á Umami þar sem 50% voru Íslendingar... en það var bara stemning. Svo fórum við á fönk dansstað og það var dansað þó ég hafi verið með smá ves útaf tónlistinni. Við skemmtum okkur rosalega vel á dansgólfinu og allt kvöldið. Dagarnir voru líka voða ljúfir og notaleg kvöldin með Önnu og Sty. Miðað við hvað mér finnst ég hafa elst mikið síðustu mán. þá yngdist ég fullt um helgina! Hláturinn lengir lífið :-)

Það var æði að koma heim og sjá strákana. Bjarki vildi reyndar ekkert með mig hafa og var hálf fúll út í mig og það var svoldið erfitt en KS bætti það upp og var alveg rosalega ánægður að fá mömmu sína heim. Hann ljómaði eins og sól þegar hann sagði mér frá heimsókn þeirra krakkana í grunnskólann og ég hef sjaldan séð hann svona glaðan. Mjög spennandi að byrja í skóla og ótrúlega fínt að vera búinn að kíkja á pleisið! Við skráðum hann í skólann í gær og nú er ekki aftur snúið!

Fyrir Köben kjellurnar...

kíkið á þetta girls og sorry lesendur smá prívat húmor hérna en verð bara að pósta þetta hér inn hehe http://perezhilton.com/2008-03-03-quote-of-the-day-173